Takimi Naço-Yee, inkurajim hetimit dhe ndëshkimit të zyrtarëve të korruptuar

ë vijim të vizitës së tij në Shtetet e Bashkuara të Amerikës, Ministri Naço është pritur në një takim edhe nga z. Hoyet Brian Yee, zv/asistent i sekretarit të shtetit.

Gjatë takimit, z. Naço e ka informuar  z. Yee në lidhje me ecurinë e reformës në drejtësi, e cila do të sillte rezultate konkrete edhe falë mbështetjes së SHBA-së dhe ekspertëve të fushës.

Nga ana e tij, z. Yee e ka inkurajuar Ministrin Naço për të hetuar dhe për të ndëshkuar të gjithë ata zyrtarë të korruptuar, duke garantuar në këtë mënyrë rritjen e besimit të qytetarëve tek drejtësia.

Z. Yee gjithashtu ka shprehur vullnetin  e SHBA-së, në mbështetjen e reformave integruese të Shqipërisë.