SHPALLJE PËR SHPREHJE INTERESI TË KANDIDATËVE TË INTERESUAR PËR T’U ZGJEDHUR EKSPERTË TË JASHTËM TË PAVARUR, TË CILËT ANGAZHOHEN NË KRYERJEN E KONTROLLEVE

SHPALLJE PËR SHPREHJE INTERESI TË KANDIDATËVE TË INTERESUAR PËR T’U ZGJEDHUR EKSPERTË TË JASHTËM TË PAVARUR, TË CILËT ANGAZHOHEN NË KRYERJEN E KONTROLLEVE

Në zbatim të pikës 8, të nenit 58, të ligjit nr.26/2019 “Për shërbimin përmbarimor gjyqësor privat” dhe të Udhëzimit të Ministrit të Drejtësisë nr.13, datë 17.07.2020 “Për miratimin e kritereve, procedurave të përzgjedhjes dhe shpërblimit të ekspertëve të jashtëm të pavarur, të cilët angazhohen në kryerjen e kontrolleve”, Ministria e Drejtësisë publikon në faqen zyrtare të saj njoftimin për paraqitjen e shprehjeve të interesit për t’u përfshirë në listën e ekspertëve të pavarur.

1. Kandidati që kërkon të përfshihet në listën e ekspertëve të pavarur, që mund të angazhohet për kryerjen e kontrolleve, duhet të plotësojë kushtet e mëposhtme:
2. a) të jetë shtetas shqiptar;
3. b) të ketë përfunduar ciklin e dytë të studimeve universitare për drejtësi, ekonomi, shkenca inxhinierike ose në një fushë tjetër të ngjashme me të, me diplomë “Master i shkencave”;
4. c) të ketë jo më pak se 10 (dhjetë) vjet përvojë pune në profesion;

ç) të mos jetë i dënuar më parë për kryerjen e një vepre penale;

1. d) të mos jetë i pushuar nga puna më parë për shkaqe disiplinore dhe nuk ka masë disiplinore në fuqi në çastin e paraqitjes së shprehjes së interesit;
2. dh) të ketë një profil të spikatur shoqëror, integritet të lartë moral dhe përgatitje të lartë profesionale;
3. e) të mos jetë përmbarues ose bashkëshorti, bashkëjetuesi ose të afërmit e tij deri në shkallë të dytë të mos jenë përmbarues;

ë) në kohën e kandidimit, të mos ketë qenë i punësuar ose i angazhuar si ekspert, këshilltar, përfaqësues ose avokat, për të paktën 5 (pesë) vjet, me kohë të plotë ose me kohë të pjesshme, pranë një përmbaruesi ose zyre përmbarimore private.

1. Kandidati i interesuar për t’u përfshirë në listën e ekspertëve të pavarur, duhet të depozitojë me postë, dorazi në protokollin e Ministrisë së Drejtësisë, apo në rrugë elektronike, dokumentacionin vërtetues të plotësimit të kushteve, si më poshtë:
2. a) shprehjen e interesit me shkrim;
3. b) jetëshkrimin e përditësuar;
4. c) kopje të dokumentit të identifikimit;

ç) kopje të diplomës, që vërteton përfundimin e ciklit të dytë të studimeve universitare për fushën përkatëse të ekspertizës, ose diplomë të njësuar me të;

1. d) kopje të librezës së punës ose vërtetim se kandidati ka plotësuar detyrimet fiskale dhe ka paguar të gjitha detyrimet e sigurimeve shoqërore, të lëshuar nga administrata tatimore për tre muajt e fundit;
2. dh) autorizim për verifikimin e gjendjes gjyqësore;

ë) një deklaratë përkundrejt përgjegjësisë ligjore se nuk ka asnjë anëtar të familjes, si dhe të afërm të shkallës së parë që është përmbarues gjyqësor privat në detyrë;

5. f) një deklaratë përkundrejt përgjegjësisë ligjore se nuk ka qenë i punësuar me kohë të plotë ose të pjesshme ose nuk ka qenë i angazhuar si ekspert, këshilltar, përfaqësues ose avokat për të paktën 5 (pesë) vjet, pranë një përmbaruesi ose zyre përmbarimore private;
6. g) çdo dokument tjetër që vërteton përmbushjen e kushtit të parashikuar në pikën 4, shkronja “dh”, të këtij udhëzimi.
7. Procesi i paraqitjes, trajtimit të shprehjes së interesit dhe të verifikimit të plotësimit të kushteve ligjore nga kandidatët, bëhet duke zbatuar parimin e procesit të rregullt ligjor, si edhe parimet e përgjithshme të procedurës administrative, veçanërisht ato të ligjshmërisë, transparencës, informimit, të drejtësisë, të paanësisë, të mbrojtjes së të dhënave, konfidencialitetit e të sekretit shtetëror.
8. Lista me kandidatët që i plotësojnë kushtet dhe lista me kandidatët që nuk plotësojnë kushtet bëhen publike në faqen zyrtare të Ministrisë së Drejtësisë.
9. Kandidatët e përjashtuar njoftohen me shkrim, individualisht dhe në mënyrë të arsyetuar për shkaqet e përjashtimit. Ata mund të ankohen brenda 5 (pesë) ditëve nga data e njoftimit pranë ministrit të Drejtësisë. Ministri vendos brenda 10 (dhjetë) ditëve nga data e depozitimit të ankimit. Ndaj vendimit të ministrit mund të paraqitet ankim në gjykatën administrative të shkallës së parë.

Afati i fundit për paraqitjen e shprehjeve të interesit është data 25.01.2021