Ministria e Drejtësisë shpall konkursin e hapur për Burgun e Shkodrës.

Në mbështetje të pikës 4, të nenit 102, të Kushtetutës, të pikës 2, të ligjit nr. 8678, datë 14.05.2001 “Për organizimin dhe funksionimin e Ministrisë së Drejtësisë”, Ligjit nr. 8328, datë 16.04.1998 “Për të drejtat dhe trajtimin e të dënuarve me burgim dhe të paraburgosurve”, të ndryshuar, ligjit nr. 10032, datë 11.12.2008, “Për policinë e burgjeve”, të ndryshuar, Kodit të Punës, i ndryshuar, si dhe Urdhërin nr. 6783, datë13/11/2017 “Për miratimin e kritereve të posaçme për pozicionet e punës në Institucionet e Ekzekutimit të Vendimeve Penale”, me qëllim rekrutimin e punonjësve për të gjitha pozicionet në Burgun e Shkodrës, bazuar në proçedura transparente të konkurrimit publik, dhe kritere që mbështesin parimin e meritokracisë,

Ministria e Drejtësisë shpall konkursin e hapur për Burgun e Shkodrës për pozicionet e mëposhtme:

STAF POLICOR

Punonjës të Rolit të Mesëm                                                              15 pozicione

Punonjës të Rolit Bazë                                                                      327 pozicione

Kandidatët për pozicionin e Punonjës me Status Polici në “Policinë e Burgjeve” duhet të plotësojnë kriteret e përgjithshme si vijon si dhe kriteret e posaçme të parashikuara në Urdhrin nr. 6783 datë 13/11/2017 bashkëlidhur:

1. Të jetë shtetas shqiptar;
2. Të ketë zotësi të plotë për të vepruar;
3. Të jetë në gjendje të mirë shëndetësore dhe i aftë fizikisht, për të kryer detyrën;
4. Të mos jetë dënuar penalisht me vendim gjykate të formës së prerë.

Në vlerësim do të kenë prioritet kandidatët që kanë qenë pjesë e forcave të armatosura ose që kanë shërbyer në policinë e shtetit.

STAF CIVIL

Kandidatët për Punonjës Civil në IEVP duhet të plotësojnë kriteret e përgjithshme si vijon si dhe kriteret e posaçme të parashikuara në Urdhrin nr. 6783 datë 13/11/2017 bashkëlidhur:

1. të jetë shtetas shqiptar;
2. ka zotësi të plotë për të vepruar;
3. është në gjendje të mirë shëndetësore dhe i aftë fizikisht, për të kryer detyrën;
4. nuk është dënuar penalisht me vendim gjykate të formës së prerë.

Personeli shëndetësor, përveç diplomës, duhet të jetë i pajisur edhe me lejen e ushtrimit të profesionit.

Bazuar në urdhërin me numër 6783 datë 13.11.2017, kriteret e posaçme për pozicionet e punës në Institucionet e Ekzekutimit të Vendimeve Penale, janë si vijojnë:

DOKUMENTACIONI PËR APLIKIM

1. Kandidatët që aplikojnë për pozicionet e mësipërme duhet të dorëzojnë dokumentet si më poshtë:

1. Kërkesën që specifikon pozicion për të cilin po aplikohet;
2. Jetëshkrimi i plotësuar (CV):
3. Fotokopje e diplomës së arsimit përkatës dhe listës së notave;
4. Fotokopje e kartës së identitetit ose e pasaportës;
5. Formularin e vetëdeklarimit për garantimin e integritetit të personave që ushtrojnë funksione publike, të plotësuar elektronikisht dhe të nënshkruar, sipas linkut
6. Autorizimin me shkrim për të lejuar Ministrinë e Drejtësisë të bëjë verifikimin e gjendjes gjyqësore:
7. Deklaratën që kandidati nuk është në kushtet e konfliktit të interesit:

Dokumentet e mësipërme duhet të dorëzohen elektronikisht pranë sekretariatit të ngritur për këtë qëllim në Drejtorinë e Përgjithshme të Burgjeve, në adresën e-mail: info@dpbsh.gov.al ose me postë në adresën: Drejtoria e Përgjithshme e Burgjeve, Rruga “Zef Serembe”, ish BRMR (Brigada e Mbështetjes Rajonale), Tiranë.

Vlerësimi i mëtejshëm i kandidatëve që plotësojnë kriteret e përgjithshme do të bëhet nëpërmjet kritereve të konkurrimit që do të përcaktohen nga Ministria e Drejtësisë.

Afati i dorëzimit të aplikimeve: 03 Dhjetor 2017

Kandidatët do të njoftohen nëpërmjet postës elektronike për informacione në lidhje me plotësimin e kritereve, dhe procedurën e konkurrimit dhe vlerësimit.

Më shumë informacion mund të gjeni në faqen internet të Ministrisë së Drejtësisë www.drejtesia.gov.al