Falas Për Qytetarët Në Nevojë.

Ministria e Drejtësisë dhe Drejtoria e Përgjithshme e Ndihmës Juridike zhvilluan takimin e rrjetëzimit të ofruesve të shërbimeve në Shkodër, me temë “Së bashku për rritjen e aksesit në drejtësi të qytetarëve”.

Ky aktivitet u organizua në kuadrin e projektit “Mbështetje për ofrimin e ndihmës juridike parësore, efektive dhe cilësore për individët dhe komunitetet e margjinalizuara në rajonin e Shkodrës”, me mbështetjen e Programit të Kombeve të Bashkuara për Zhvillim PNUD, i cili po zbatohet në bashkëpunim me Ministrinë e Drejtësisë dhe Drejtorinë e Ndihmës Juridike Falas. Projekti financohet me fonde të Bashkëpunimit Austriak për Zhvillim ADC.

Në këtë takim morën pjesë përfaqësues nga Qendra për Nisma Ligjore Qytetare, punonjësit me trajnim të posaçëm të Qendrës së Shërbimeve të Ndihmës Juridike Parësore Shkodër si dhe përfaqësues të Organizatave Jofitimprurëse në Shkodër.

• U diskutua mbi rolin i Qendrës së Shërbimit të Ndihmës Juridike Parësore Shkodër në ofrimin e ndihmës juridike për qytetarët, në mënyrë të veçantë qytetarët dhe komunitetet e margjinalizuara në Shkodër, në zbatim të ligjit nr.111/2017, “Për ndihmën juridike të garantuar nga shteti”;
• Bashkëpunimi mes ofruesëve të shërbimeve dhe referimi i rasteve pranë Qendrës së Shërbimit të Ndihmës Juridike Parësore Shkodër;
• Mbështetja e Qendrës së Shërbimit të Ndihmës Juridike Parësore Shkodër për viktimat e dhunës në familje të identifikuara nga institucionet përgjegjëse, anëtare të Mekanizmit të Koordinuar të Referimit të rasteve të dhunës në familje në Shkodër;
• Bashkëpunimi me Zyrën e Komisionerit për Mbrojtjen nga Diskriminimi dhe Zyrën e Avokatit të Popullit në Shkodër;
• Rëndësia e forcimit të komponentit të vizibilitetit të punës së Qendrës së Shërbimit të Ndihmës Juridike Parësore Shkodër; Pjesëmarrja e juristëve të Qendrës së Shërbimit të Ndihmës Juridike Parësore Shkodër në aktivitetet e organizatave të shoqërisë civile me qëllim rritjen e nivelit të informacionit mbi qendrën dhe shërbimet që ajo ofron. OJF-të do të ndihmojnë në arritjen e qytetarëve në nevojë të përfitimit të ndihmës juridike falas;
• Bashkëpunimi me Klinikat e Ligjit dhe organizatat jofitimprurëse të autorizuara;
• Rrjetëzimi i ofruesëve të shërbimeve ligjore dhe sociale në Shkodër.