Bashkëbisedimi i plotë në studion e News24 mbi situatat e fundit në vend.

Ola Bruko: Me mua ne studio është Ministrja e Drejtësisë Etilda Gjonaj. Përshendetje kënaqësi t’ju kem në studio.

Etilda Gjonaj: Përshëndetje, faleminderit për ftesën.

Ola Bruko: Ka 3 ditë që në Shqipëri protestohet. Veçanërisht ne Tiranë. Po ashtu edhe në Shkoder ku siç mund ta keni ndjekur është dhunuar selia e PS atje. Një akt që u denua ne fakt edhe nga Kryetarja e Bashkisë së Shkodrës zonja Voltana Ademi në një komunikim të drejtëpërdrejtë që pata me të. Protestuesit kërkojnë drejtësi për një jetë të prerë në mes. Një 25 vjeçar që u vra. Nëse mund ta nis bisedën me ju zj. Gjonaj duke ju kërkuar informacion për publikun në lidhje me hetimet, në ç’pikë janë ato për vrasjen e 25 vjeçarit Klodian Rasha.

Etilda Gjonaj: Jemi në një situatë paprecedentë. Jeta e humbur e një të riu është një ngjarje shumë e rëndë aq më tepër kur ka ardhur si pasojë e veprimeve të një efektivi të policisë.

Dua të shpreh keqardhjen dhe solidarizohem me dhimbjen e madhe të familjes, por nga ana tjetër është një ngjarje e veçuar. Është nje ngjarje ku efektivi i policisë ka kryer një veprim personal. Ndodhet në masën e arrestit me burg dhe duhet t’ua lëmë organeve të drejtësisë të hetojnë. Nuk është as Qeveria dhe nuk është as Ministri i Drejtësisë, por është prokuroria, është gjykata që mbas hetimit duhet të marrin një vendim për efektivin e policisë që ka kryer këtë veprim.

Dua të theksoj se është një ngjarje tërësisht sporadike, tërësisht e veçuar dhe në asnjë rast nuk ka ndodhur e drejtuar politikisht, ndryshe nga ajo që ka ndodhur disa vite më parë në bulevard kur urdhrat politikë jepeshin nga partia në pushtet apo PD, apo dhjetëra jetë të humbura në rastin e Gërdecit.

Ne kemi një ngjarje tërësisht sporadike, tërësisht e veçuar. Dhe Policia e Shtetit sot nuk ka asnjë krahasim me policinë në kohën e PD. Sot sjellja e efektivëve të policisë ka një ndryshim thelbësor me sjelljen e efektivëve në kohën e PD-së. Sot rezultatet e policise rastet konkrete qe ata sjellin rezultate në përballjen e Shqipërisë me krimin. Shqipëria ka dalë nga harta e kultivimit të drogës. Fakti që siguria është rritur, fakti që OFL ka kryer një sërë veprimesh kundër krimit të organizuar dhe pastrimit të parave.

Të gjitha keto fakte janë kokëforta dhe nuk meritojnë krahasim me policinë në kohën e PD-së. Ka shumë aspekte që duhen përmirësuar, por krahasimi është i pavend. Nëse do ta shohim si rast sporadik, duhet të kuptojmë që nuk përfaqëson frymën e Policisë Shqiptare. Të gjithë djemtë e vajzat meritojnë një respekt për punën e tyre ne kohe te zakonshme  në përballje me krimin, por dhe në situata të pazakonta siç ka qenë tërmeti apo dhe në kohën e pandemisë.

Dhe për më tepër duhet të kemi parasysh dhe të bëjmë dallimin që përtej faktit që Ministri i Brendshëm nuk ka përgjegjësi ligjore dhe nuk ka një urdhër politik, por pavarësisht se nuk kishte përgjegjësi ligjore sepse ishte një situatë tërësisht e veçuar dhe pa një urdher politik të një drejtuesi të Ministrise së Brendshme, Ministri mori përgjegjësinë morale duke dhënë dorëheqjen.

Ndryshe nga të gjithë ata që kane qenë Ministra të Brendshëm në kohën e PD duke përfshirë edhe atë që sot është Kryetari i PD, z. Basha, ku pas vrasjes në bulevard të 4 protestuesve  të pafajshëm, nuk dha dorëheqjen, përkundrazi u bë kryetar bashkie dhe kryetar i partisë më të madhe opozitare në vend. Dhe kjo jep ndryshimin midis nesh dhe atyre!

Ola Bruko: Po këtë lloj ndryshimi që e bën edhe z. Rama disa herë. Ashtu siç e ka thënë pra Kryeministri duket sikur nuk e bëjnë ata që kanë dalë në këto lloj formash që kanë gjetur të protestojnë për t’ju dëgjuar më së fundmi zëri. Duket një rini e zhgënjyer ndër vite që nuk e bën këtë krahasim si ka qënë dikur dhe si është tani Policia e Shtetit, si ka qënë dikur jetesa për ta dhe si është tani, por kanë dalë aty në shesh dhe kërkojnë drejtësi. Thonë që sot ndodhi me Klodianin dhe sot mund të ndodh me një nga ne.

Etilda Gjonaj: Protesta padyshim është një formë dhe një mekanizëm që i shërben demokracisë. Dhe nëse ka patur një forcë politike që i ka lejuar dhe i ka mirëpritur protestat, ndryshe nga PD apo koha e LSI ka qënë pikërisht PS. Dhe gjatë këtyre 7 viteve kanë ndodhur shumë protesta duke përfshirë këtu që nga ajo e armëve kimike, protesta e studentëve të cilat në asnjë rast nuk ishin protesta të dhunshme. Kishin një kauzë, kishin disa kërkesa. Ata padyshim dhanë argumentat e tyre dhe Qeveria reflektoi. Dhe kjo nuk solli faktin që ne jemi kundra protestës apo nuk duam protesta. Përkundrazi, protestat janë të ligjshme, por kur këto protesta janë jo të dhunshme.

Dhe me shumë të drejtë kjo revolton, jo vetëm ne, por edhe qytetarët kur këto protesta kthehen të dhunshme dhe në shkatërrime të pronës publike, në shkatërrime të selive të PS në Tiranë, në Shkodër apo vënde të tjera, apo semaforët e shkulur nga rruga, apo një sërë dëmesh të tjera që kanë të bëjnë me pronën publike. Dhe në 30 vjet pluralizëm nuk ka ndodhur të goditen selitë e një force politike. Dhe për herë të parë po ndodh në këtë protestë e cila është një protestë e dhunshme!

Ola Bruko: Kjo tregon irritimin e madh që kanë këta njerëz përderisa dhunojnë institucionet.

Etilda Gjonaj: Irritimi nuk mund të justifikojë në asnjë rast dhunën. Dhe dje po ashtu ky shqetësim u përcoll po ashtu edhe nga komuniteti ndërkombëtar, ku me shumë respekt përcollën pikërisht të gjithë ambasadorët të cilët janë shumë të rëndësishëm dhe po ndihmojnë Shqipërinë në konsolidimin e demokracisë, lidhur me faktin që dënonin protestat e dhunshme.

Ola Bruko: Po por Yuri Kim tha që ata që janë në pushtet kanë përgjegjësi për të siguruar një hetim të mirëfilltë për këtë ngjarje.

Etilda Gjonaj: Hetimin nuk e ka Qeveria, nuk e ka pushteti, janë organet e drejtësisë. Kemi një system dhe institucione të pavarura të drejtësisë si në cdo vënd jo vetëm në shqipëri, që do duhet të hetojnë dhe të gjykojnë rrethanat e cështjes për të kuptuar seriozitetin dhe veprimet që janë kryer nga efektivi i policisë.

Dhe nga ana tjetër të vjen keq kur këto protesta nxiten dhe kanë pjesëmarrjen e eksponentëve politikë dhe aq më tepër kur janë kryetarë bashkie me funksione që duhet ti shërbejnë qetësisë dhe sigurisë publike, sic ishte në rastin sot të Shkodrës. Dhe keqardhëqse është që kur këto forca politike si PD dhe LSI nxisin fëmijët për të marrë pjesë në këto protesta të dhunshme, për të marrë pjesë në krim.

Shkatërrimi i pronës, plagosja e policëve apo edhe terrorizmi që i japin qytetarëve është një element i cili përbën vepër penale është edhe nxitja e të miturve për të kryer një krim dhe dënohet deri në 5 vjet. Dhe pikërisht këta nxitës që përfaqësojnë partitë politike apo cdo subjekt tjetër duhet të dalin përpara drejtësisë me përgjegjësinë penale lidhur me nxitjen, përfshirjen e të miturve në protesta të dhunshme.

Ola Bruko: Nuk e di a e dëgjuat, por znj.Ademi e përjashton veten nga ao që ndodhi sot në Shkodër me dhunimin e selisë së PS atje, madje e dënoi si vperim duke thënë që ai ishte një grup i shkëputur nga ai që nisi protestën paqësore në Shkodër.

Etilda Gjonaj: Pavarësisht deklaratës së znj.Ademi, ajo u pa me figurë që ishte pjesë e protestës. Nuk ka asnjë të keqe edhe cdo eksponent politik të jetë pjesë e protestës, por kur këto protesta nxiten të jenë të dhunshme, shkatrrimtare dhe të terrorizojnë njerëzit, kjo është absolutisht e dënueshme. Dhe beosj duhet të ndjejnë keqardhje për të gjithë ata punonjës policie, të cilët janë plagosur gjatë këtyre ditëve duke patur pasoja të rënda edhe të organeve jetike. Dhe në këtë situatë janë për tu dënuar të gjithë aktet që janë kryer. Dhe kur thashë përdorimi i të miturve, bashkëmoshatarët e këtyre të miturve që dalin në ekrane, të nxitur nga eksponentë politikë është keqardhëse kur shohin nga ekrani këta të mitur që djegin apo shkatërrojnë dhe ato që janë simbole të fundvitit, dhe unë jam e bindur që çdo prind i ka nxjerrë fëmiët e tij në qendër për të bërë qoftë dhe një foto me pemën e Krishtlindjeve, dhe kur ky fëmijë shikon pemën që digjet, atë që simbolikisht i plotëson gjithë dëshirat apo i ka thurur ëndrrat, kjo është vërtetë një fatkeqësi shumë e madhe.

Dhe më keqardhëse është kur pas një viti kaq të vështirë që kemi kaluar dhe jemi akoma me pandeminë, tërmetin, ku shumë njerëz tentojnë dhe meritojnë të kenë disa ditë qetësie, sepse ka familje që kanë humbur të afërm nga tërmeti apo pandemia, të tjerë që lëngojnë në shtetërit e spitaleve të COVID, meritojnë disa ditë qetësi dhe jot ë terrizohen për shkak të kësaj dhune.

Ola Bruko: Dakort por mbarë opinion publik u trondit nga vrasja e një të riu vetëm 25 vjec nga një prej efektivëve të Policisë së Shtetit.

Etilda Gjonaj: Le të kuptojmë, dhe unë e thashë që në fillim. Është një rast sporadik që padyshim do marrë dënimin e merituar, por t’i lëmë kohë organeve të drejtësisë të hetojnë e punojnë. Padyshim është akt që dënohet nga shoqëria dënohet nga ne, por jo të kthehet në dhunë në këtë formë.

Ola Bruko: Ju thoni që forcat e policisë u plagosën. Patjetër që po. U përmëndët rastin e atij zotërisë i cili sot rrezikon të humbasë njërin sy për shkak të asaj që ndodhi në protestat në Tiranë. Por edhe protestuesit gjithashtu kanë mbetur të lënduar nga rrahjet e uniformave blu.

Etilda Gjonaj: Nuk mund të them kështu për sa kohë protestat kthehen në protesta që dhunshme. Padyshim institucionet shtetërore do duhet të ruajnë sigurinë dhe të mos lënë kaosin të terrorizojë pjesën tjetër të qytetarëve. Nuk mundet që një grup të rinjsh apo fëmijësh të nxitur nga forca politike të marrin peng qetësinë e qytetarëve dhe sigurinë. Se prandaj janë institucionet shtetërore për të vënë në vënd pikërisht cështjen e sigurisë dhe mbrojtjen e jetës dhe shëndetit.

Pasi ne pamë që ata që protestonin në rrugët e Tiranës filluan të ngacmonin qytetarë të thjeshtë apo edhe persona të tjerë që ishin ulur në kafene. Dhe kjo nuk mundet në asnjë mënyrë, që institucionet shtetërore të lejojnë të dëmtohet jeta dhe shëndeti i qytetarëve.

Ola Bruko: Kjo është një protestë që në dukje nuk ka të ndalur. Pra ka 3 ditë që protesohet në të njëjtën formë në Tiranë dhe në disa qytete të vëndit. Ndërkohë që sot paradite u protestua në atë formë të dhunshme edhe në Shkodër. A ndjeni ju një përgjegjësi morale si Qeveri që nuk po e ndalni dot këtë lloj proteste znj Gjonaj?

Etilda Gjonaj: Kur protesta të tilla e theksova, nxiten nga ata që qajnë dhe kanë peng që rinia shqipëtare po largohet nga vëndi pavarësisht se fëmijët e tyre i kanë jashtë, dhe vazhdojnë t’i përdorin fëmijët, të cilëve po i shkatërrojnë të ardhmen. Këtë e them si Ministre Drejtësie, por edhe si nënë. Them si Minsitre Drejtësie pasi njëherë në 3 muaj shkoj në institucionin e Kavajës ku qëndrojnë të miturit që janë në kontakt me organet e drejtësisë. Ne u shkatërrojmë të ardhmen në këtë mënyrë.

Ne nuk e ndjejmë në mënyrë absolute përgjegjësinë e kësaj proteste. Por besoj se të gjithë duhet të sensibilizohen që dhuna nuk është mënyra për të arritur qoftë edhe një kërkesë legjitime, e cila është drejtësi për Klodianin. Dhe janë organet e drejtësisë ato që do të garantojnë që ky proces do jetë i drejtë dhe të japi verdiktin final që duhet për efektivin e policisë.

Ola Bruko: Po cfarë sigurie u jepni ju protestuesve se ata nuk e beosjnë që do ketë drejtësi për Klodianin.

Etilda Gjonaj: Sigurinë nuk e jep Qeveria. Sigurinë e kanë institucionet e drejtësisë në cdo vënd të botës jo vetëm në Shqipëri dhe besoj që kjo është e mjaftueshme dhe absolutisht nuk justifikon cdo lloj shkatërrimi dhe dhune tjetër që po ndodh këto ditë.

Dhe me këtë rast jo vetëm qytetarëve, por edhe prindërve të këtyre fëmijëve, unë u bëj thirrje që të kenë mundësinë të kontrollojnë fëmijët e tyre për shkak se po keqpërdoren dhe vërtet po ju shkatërrohet e ardhmja e tyre e pandërtuar ende, pasi po flasim për fëmijë që janë nën moshën 16 vjec. Dhe nga ana tjetër duhet prindërit që të kujdesen me qëllim nesër të mos u kthehet një dëm në jetën e tyre.

Ola Bruko: Këto janë ngjare të dënueshme apo jo. Ju përmëndët sesa rrezikon një person në bazë të ligjit kur kryen të tilla akte. Po ashtu pohoni se ata janë fëmijë, fëmijë minorenë që patjetër janë nën kujdesin prindëror. Ju me siguri keni arritur të identifikoni disa prej tyre sepse nëpër protesta ka gjithmonë kamera që bëjnë identifikimin e protestuesve. Përse ju nuk provoni një tjetër metodë? Të kontaktoni me prindërit e tyre?

Etilda Gjonaj: Ky është një operacion që po menaxhohet i gjithi nga Policia e Shtetit. Bashkë me organet hetimore dhe prokurorinë, po ndiqen të gjitha rastet dhe jam e bindur që janë përdorur dhe po përdoren pasi edhe koha është e shkurtër.

Tanimë kjo që nuk mund ta konsiderojmë më protestë, por lëvizje për të shkatërruar, i kemi përdorur të gjitha mjetet me qëllim që të mos arrimë në rezultatet të cilat do jenë të dëmshme për të gjithë. E përmënda dhe më parë që të miturit nuk mbajnë përgjegjësi penale, por shënon rëndesë të madhe në të ardhmen e tyre dhe personalitetin e tyre.

Ola Bruko: Po prindërit mbajnë përgjegjësi penale?

Etilda Gjonaj: Padyshim prindërit nëse i kanë nxitur apo angazhuar vetë fëmijët, padyshim që mbajnë përgjegjësi. Unë beosj që kjo është një moskujdesje. Dhe janë fëmijë që vijnë nga rrethinat apo shtresa më të varfra me pamundësi duke marrë në konsideratë edhe disa pamje që kanë dalë nga media përsa i përket pagesës. Prandaj i mëshoj faktit që të gjithë ata që janë nxitës të marrin dënimin e merituar.

Ola Bruko: Dorëheqja e Ministrit Lleshaj nuk e ndali këtë protestë, ndonëse ishte kjo kërkesa kryesore në ditë e parë të protestës për Klodianin, ku lëeshoheshin thirrje që Ministri të jepte dorëheqjen. Kjo do të thotë që protestat do vazhdojnë ndoshta, dhe do përdoret e njëjta metodë duke patur parasysh atë që ndodhi sot në shkodër. Si do të veproni për të ndalur shkatërrimet e mëtejshme

Etilda Gjonaj: Unë besoj se të gjithë ne sipas pozicionit që kemi, por në rradhë të parë jemi pjesë e shoqërisë Shqipëtare. Do të duhet se si media si shoqëria civile, do duhet të dënojë jo vetëm veprimet apo pjesëmarrjet e të miturve por edhe ata që i nxisin në rastin konkret. Besoj se secili nga ne ka një rol të rëndësishëm për të sensibilizuar secilin nga ne dhe të gjithë publikun me qëllim mos bëhen pjesë e dhunës.

Është shumë e rëndësishme ta ndajmë protestën nga dhuna. Institucionet që garantojnë rendin dhe sigurinë do duhet të kryejnë punën e tyre deri në fund me qëllim që ky kaos mos ta afektojë pjesën tjetër të shoqërisë. Në fund të fundit është shumë e rëndësishme për secilin nga ne të ketë sigurinë.

Ola Bruko: Kjo është një protestë ku thuhet se nuk ka një organizator kryesor, pra janë disa dhe ndoshta asnjë. Pra të gjithë dalin aty për një kauzë të caktuar në emër të drejtësisë për Klodianin. E bën kjo të vështirë dialogimin që mund të keni me protestuesit? Kujtoj që në protesta të tjera ju keni mundur të negocioni, kujtoj protestën e studentëve. Ju arritët të negocionit dhe të arrinit edhe paktin për universitetin. Pse nuk e bëni dhe me këtë protestë?

Etilda Gjonaj: Jo më kotë e thashë që kur ka protesta që kanë argument ne si Qeveri kemi arritur të reflektojmë dhe kemi marrë masa konkrete duke plotësuar kërkesat konkrete si në rastin e studentëve. Apo edhe armëve kimike megjithëse është më e herëshme.

Nga ana tjetër nuk mund të them që nuk ka organizatorë pasi ata anë shfaqur këto ditë me figurë dhe me zë duke bërë thirrje nga më të ndryshmet dhe këta aktorë janë sic thashë o drejtues të partive politike ose përfaqësues të institucioneve shtetërore që i përkasin opozitës sic ishte rasti i kryetares së bashkisë. Kështu që organizatorët dhe ata që janë bashkuar akanë arritur ta evidentojnë veten këto ditë.

Ola Bruko: Nëse kjo protestë nuk do kishte qënë e dhunshme do kishte dhënë dorëheqjen Ministri Lleshaj?

Etilda Gjonaj: Unë besoj që atë që Ministri Lleshaj kreu si akt individual me një përgjegjësi morale që ndjeu do ta kishte kryer në cdo moment pavarësisht sesi rrodhën ngjarjet. Përtej fakti që Ministri i Brendshëm nuk ka përgjegjësi ligjore, dhe nuk ka një urdhër politik por pavarësisht se nuk kishte përgjegjësi ligjore ndjeu përgjegjësi morale për të dhënë dorëheqjen. Ndryshe nga ministri i Brendshëm i PD që u bë kryetar bashkie dhe kryetar i partisë. Kjo jep ndryshimin mes neve dhe atyre

Ola Bruko:  Dicka më shumë në lidhje me hetimet s’mund të na thoni znj.Gjonaj?

Etilda Gjonaj: Ju thashë hetimet janë pjesë e institucioneve të drejtësisë. Është prokuroria ajo që po kryen të gjithë hetimet. Do të ishte shumë nëse unë do dija më shumë informacione sepse do të thotë që Ministri i Drejtësisë do të ndërhynte në proces.

Fakti që ne duam të kryhet një hetim si në cdo rast, për aq kohë sa Qeveria nuk ka asnjë kompetencë për të bërë hetimin apo gjykimin e cështjeve. Dhe në rastin konkret duhet t’ja lëmë fjalën organeve të drejtësisë.

Ola Bruko: Mund të jenë hetime që zgjasin pafundësisht derisa sërisht të harrohet. Prandaj kembëngul t’ju pyes se dhe interesi i publikut është i lartë. Duke qënë se dhe protestat edhe vazhdojnë.

Etilda Gjonaj: Në çdo rast janë organet e drejtësisë që do të duhet të kenë edhe kohën e nevojshme, si për cdo rast tjetër, edhe kur ka patur grupe të strukturuara kriminale dhe kur ka patur ngjarje shumë të rënda kanë marrë kohën e tyre për të hetuar dhe për të gjykuar dhe për të garantuar standartet e një procesi të rregullt ligor.

Ola Bruko: Ju falenderoj për prezencën tuaj.

Etilda Gjonaj: Faleminderit juve.