Bashkëbisedimi i plotë i ministres së Drejtësisë znj. Gjonaj në studion e Report TV

Gazetarja: Kam kënaqësinë te ndaj studion për një bisedë me Ministren e Drejtësisë znj.Etilda Gjonaj. Përshëndetje mirë se keni ardhur.

Etilda Gjonaj: Përshëndetje faleminderitnpër ftesën.

Gazetarja: Zonja Gjonaj fillimisht doja të ndalesha tek mënyra si është organizuar kjo protestë pasi kemi parë akte të dhunës që diten e parë. Por ajo që mbetet shqetësuese është që ka një numër te lartë fëmijësh pjesëmarrës në këte proteste. Një grupmoshë të miturish. Janë pikërisht 12 sipas informacioneve të policisë që janë shoqëruar në komisariate. Sa shqetësuese ështe kjo dhe çfarë thotë ligji për pjesëmarrje në protesta të femijëve?

Etilda Gjonaj:  Atëherë në rradhë të parë unë mendoj se duhet të analizojmë shkaqet e kësaj proteste. Duke patur padyshim si një ndër shkaqet humbjen e jetës së një të riu nga efektivi i policisë. I cili ne fund të fundit ka kryer një akt absolutisht individual. Nuk ka lidhje me një akt të urdhëruar nga Qeveria apo eprorët e tij, ndryshe nga ajo që dimë për rastet e 21 janarit ku urdhëri për vrashen e 4 qytetarëve të  pafajshëm në bulevard ka ardhur nga kupola e Qeverisë Berisha në atë kohë.  Ndërsa në rastin konkret është tërësisht një akt individual ku vetë efektivi i policisë ndodhet në masë arresti me burg dhe po hetohet. Çfarë ka bërë qeveria. Qeveria nuk i ka dhënë mbrojtje këtij efektivi të policisë, ashtu si në 21 Janar po e marr përsëri për analogji, ku u urdhëruan dhe u mbrojtën duke mos lejuar që këta përgjegjës të dilnin nga godinat. Ajo që duhet të mbajmë në konsideratë është që janë organet e drejtësisë që duhet të nxjerrin e përgjegjësisë së policit. Nga protestat kërkohet drejtësi por nuk mund të ketë një vendim të menjëhershëm për këtë efektiv. Organet e drejtësisë duan kohën e vetë për të garantuar edhe një proces të drejtë ligjor për efektivin e policisë. Besoj se në këtë ngjarje, vetë qeveria nuk hidhte baltë në drejtësi siç nodhi më 21 janar. Ne nuk jemi si Sali Berisha që mbrojti gaditstët e 21 janarit ku mbetën të vrarë 4 persona. Ne kemi kërkuar të bëhet një hetim.

Gazetarja: Kjo në lidhje me ngjarjen. Tani kthehemi tek pyetjet. Prezenca e fëmijëve të mitur sepse kjo përbën shumë shqetësim tashmë në këto protesta të dhunshme.

Etilda Gjonaj: Sot vumë re fare mirë që kemi një protestë të dhunshme. Madje mund të them që nuk e meriton më të konsiderohet një protestë, përsa kohë që gjithcka lidhet me aktet e dhunshme që po kryhen  nga ata që janë në rrugët e qyteteve. Dhe keqardhje ndjehet edhe për faktin se ka shumë të mitur që janë përfshirë në këto protesta, që janë përfshirë në këto akte të dhunshme ku padyshim janë të nxitur nga segmente politike, segmente të PD, LSI dhe njëkohësisht është fatkeqësi kur shikon sesi këta të mitur që janë edhe nën moshën e përgjegjësisë penale, janë përdorur nga subjektet politikë, duke qënë edhe pjesëmarrës vetë në protesta siç kemi parë në rastin e Shkodrës duke u sjellë një dëm shumë të madh fëmijëve që janë e ardhmja e vëndit. Dhe në fakt edhe në Kodin Penal ka një vepër penale, ku të gjithë ata që nxisin apo përdorin të miturit për të kryer krime, për ata të mitur që janë nën moshën 14 vjeç, kanë një përgjegjësi penale dhe dënohen deri në 4 vjet.

Gazetarja: Ata të cilët nxisin po thoni?

Etilda Gjonaj: Ata që nxisin. Të gjithë ata që i përdorin të miturit. Pasi po flasim për fëmijë të cilët janë të vegjël, nën moshën 14 vjeç, nën moshën e përgjegjësisë penale dhe që nuk arrijnë të kuptojnë dot ende filozofinë e jetës, nuk arrijnë të kuptojnë çfarë është politika, nuk kuptojnë se kush janë partitë politike. Por ata janë të nxitur, por siç kemi parë edhe nga pamjet filmike, herë herë edhe të paguar nga subjekte politike. Dhe kjo është një fatkeqësi shumë e madhe. Është një dëm shumë i madh që po i sjellim vëndit sidomos ato parti që shpeshherë flasin për rininë, flasin për rininë që largohen, i përfshijnë në programet e tyre politike, duke prezantuar edhe politikat për të ardhmen e vëndit që janë pikërisht këta fëmijë, por nga ana tjetër po i keqpërdorin dhe po i cënojnë të ardhmen e tyre duke i lënë shenjë të jashtëzakonshme në jetën e tyre. Dhe besoj që edhe prindërit në rastin konkret duhet të kenë kujdes që fëmijët e tyre të mos përdoren nga të tjerët, të mos përdoren nga subjektet politike. Dhe për fatin e keq shukojmë që ka shumë raste edhe si ai i Shkodrës ku vetë Kryetarja e Bashkisë ishte pjesë e protëstës që u krye, dhe po ta shikoni dhe nga pamjet dallojmë që janë një grup fëmijësh që më pas kryen aktet e dhunshme edhe ndaj selisë së PS.

Gazetarja: Është distancuar znj.Ademi në lidhje me këtë pavarësisht se ndaj saj ka nisur një procedim penal.

Etilda Gjonaj: Do të ishte shumë mirë që para se Kryetar Bashkie, drejtues të institucioneve, të marrin pjesë në këto protesta të cilat janë të dhunshme, duhet të shikojnë përgjegjësinë e tyre jo vetëm ligjore, por edhe atë morale. Sepse një Kryetar Bashkie ka minimalisht përgjegjësinë të ndërtojë politika për të rehabilituar fëmijët, për ti dhënë një mundësi që të kenë programe sociale. Dhe këtë unë e them edhe nga eksperienca ime pasi për fat të keq ndjej një keqardhje shumë të madhe pasi atë politikë që ne po e ndërtojmë me shumë mund për të parandaluar të miturit që të shkojnë drejt rrugës së krimit, për të restauruar drejtësinë penale për të mitur, edhe në bashkëpunim me bashkitë e të gjitha qyteteve në vënd, e shikon që të lëkundet nga partitë politike të cilët përdorin këta të mitur që të vijnë në pushtet. Katër muaj na ndajnë nga dita e zgjedhjeve dhe nëse këto parti politike duan të marrin pushtetin e vëndit, duhet të tregojnë konstruktivitet me qëllim që programet e tyre të marrin drejtimin e vëndit, por jo duke përdorur fëmijët në akte të dhunshme. Dhe unë në Minsitrinë e Drejtësisë së bashku me Bashkinë e Shkodrës kam nënshkruar një marrëveshje për fëmijët që për fat të keq është shumë e vështirë që unë si Minsitër Drejtësie mund ta zbatojë në këtë moment, për të rehabilituar të miturit që janë viktima apo autorë të veprave penale apo për ti parandaluar ata për të qënë pjesë e krimit. Në një kohë sot ku ne shikojmë Kryetaren e Bashkisë që i drejton këta të mitur të kryejnë akte dhune. Dhe nuk është rasti i parë që ndodh në Bashkinë e Shkodrës. Më përpara është djegur një shkollë, para dy ditësh u dogj selia e partisë dhe është fatkeqësi ku një drejtues si Kryetar Bashkie të marri pjesë për të nxitur të miturit për të kryer këto akte. Dhe vërtetë është shqetësuese kur të miturit janë tërësisht të paorganizuar në mënyrën si i kryejnë aktet e dhunës dhe po dëmtojnë edhe qytetarët e tjerë, jo vetëm policies që kanë patur po ashtu dëmtime shumë të mëdha për shëndetin.

Gazetarja: Do ti rikthehemi dhe faktit si ka reaguar policia në këto protesta znj.Gjonaj por ajo që do doja ti referohesha pak është edhe fakti që ka ditë që ne po kërkojmë të dimë se kush janë organizatorët. Ju i organizoni forcat politike, por në fakt keni arritur ti zbardhni kush janë ata ndërkohë që denonconi forcën politike?

Etilda Gjonaj: Ne nuk kemi detyrë për të zbardhur. Ne shikojmë po njësoj si ju të gjitha pamjet filmike që vijnë. Shikojmë ashtu siç thashë Kryetar Bashkish që janë pjesë e këtyre protestave. Shikojmë eksponentë të tjerë politikë që e konsiderojnë këtë si një festë për përvjetorin e PD apo ku di unë çfarë absurditetesh të tjera që kemi dëgjuar këto ditë. Janë të gjitha me pamje me figurë dhe me zë. Padyshim do të jenë organet e Prokurorisë ato që do hetojnë kush janë organizatorët dhe kush janë ata që e nxisin me qëllim që të vihen të gjithë para përgjegjësisë penale dhe të mundet të nxjerrin edhe mësimet nga kjo lloj proteste e cila i ka kaluar tej asaj cka mund të mrri mëndja e njeriut.

Gazetarja: Ndërkohë znj.Gjonaj ka patur më tej akuza dhe denoncime për mënyrën si ka reaguar policia në këto protesta duke i shpërndarë protestuesit me gaz lotsjellës ndërsa duke bërë shoqërimet madje nuk kanë munguar edhe goditjet nga ana e tyre. Janë akuzuar për dhunë shtetërore. Si mendoni ju si ka reaguar policia në këto protesta dhe cfarë përgjigje keni për këtë akuza?

Etilda Gjonaj: Këtu bëhet fjalë kur një grup, qoftë të miturish fillojnë shkatërrojnë të gjitha institucionet shtetërore, deri tek ato kulturore flasim për muzeun historic, bibliotekën kombëtare. Flas për këto që ndodhen në Tiranë që nuk janë prekur në asnjë lloj proteste. Selitë e Partisë si në Tiranë ashtu edhe në Shkodër. Apo edhe vetë duke përbërë edhe një kërcënim të jetës dhe shëndetit të kalimtarëve. Padsyshim që policia do ndërhyjë, pasi nëse nuk merret masë për të vendosur në vend sigurinë në qytet, atëherë edhe vetë ju do thonit çfarë po bën shteti. Dhe për më tepër kaosi i krijuar gjatë këtyre ditëve njëkohësisht aktet e dhunshme që ne kemi parë të gjithë, janë vërtetë një gjë shqetësuese për të gjithë qytetarët që në fund të fundit kanë kaluar një vit jashtëzakonisht të vështirë. Një vit ku kemi patur tërmetin, ku vazhdojmë ende të kemi pasoja dhe probleme nga pandemia. Ku padyshim gjithë menaxhimi që i është bërë nga MSH dhe gjithë strukturat shëndetësore për pandeminë krijon problemet e veta duke patur mundësinë edhe për mënyrën sesi do duhet të menaxhohet situata dhe e shtuar edhe për shkak të pandemisë. Dhe besoj që Policia e Shtetit po kryen punën e saj duke respektuar të gjitha standartet dhe të drejtat e të miturve, por kjo është një situatë që në fakt është e paprecedentë. Dhe padyshim duhet të mirëkuptojmë të gjithë strukturat e policisë që po menaxhojnë situatën me qëllim ti kthejnë qytetit qetësinë dhe sigurinë.

Gazetarja: Referuar kërkesave që kanë patur edhe protestuesit një ndër to ishte dhe dorëheqja e Ministrit Sandër Lleshaj. Ai në fakt e kishte dhënë më herët dhe e kishte ndërmarrë këtë akt para se  Kryeministri të kthehej në Shqipëri nga SHBA. Si e vlerësoni këtë gjest. A ka përgjegjësi Ministri Lleshaj? Dhe a duhet të ketë dhe dorëheqje të tjera nga aparati i Policisë së Shtetit pasi është kjo që kërkohet nga ana e protestuesve.

Etilda Gjonaj: Flasim për protestues të mitur…

Gazetarja: Jo të gjithë janë të mitur znj.Gjonajkemi dhe mosha të mesme dhe të rinj.

Etilda Gjonaj: Protestuesit thuhet se janë të paorganizuar. Unë nuk besoj se këta të mitur arrijnë të kuptojnë se kush është Ministri i Brëndshëm, kush është Ministri i Drejtësisë, kush është Drejtori i Policisë. Pasi thashë janë fëmijë të cilët do duhet ti lëmë të qetë do duhet ti lëmë të kenë të ardhmen e tyre dhe jetën e tyre me lodra dhe aktivitete të tjera kulturore që i përkasin moshës së tyre. Po i vrasin këta fëmijë kur i përfshijnë partitë politike në këto protesta të dhunshme. Dhe për më tepër edhe ajo cfarë prezantohet tek bashkëmoshatarët e tjerë. Qoftë edhe tek fëmijët e policëve duke parë që bashkëmoshatarët e tyre po cënojnë fizikisht edhe prindërit e tyre që kryejnë dëtyrën. Është një fatkeqësi shumë e madhe sepse nuk është cështja vetëm tek protesta apo dëmi që po sjellin në pronën publike, por dhe me sjelljen që po tregojnë një shembull vërtetë negativë. Është një shembull që do i kushtojë shumë edhe të ardhmes së fëmijëve. Dhe nga ana tjetër duhet të themi që Ministri i Brendshëm nuk ka asnjë përgjegjësi ligjore për veprimet individuale të një efektivi,  nuk i dha urdhër Ministri i Brendshëm për të qëlluar. Por nga ana tjetër duke e konsideruar si një akt shumë të rëndë me përgjegjësi morale që ndjeu, ndryshe nga të gjithë ministrat e tjerë që kanë qënë në kohën e PD dhe LSI.  Gazetarja: Po të tjerët duhet ta japin dorëheqjen? Po flasim këtu për Drejtorin e Përgjithshëm të Policisë së Shtetit.

Etilda Gjonaj: Nuk e kuptoj pse duhet të kërkojnë dorëheqjen e drejtorit të policisë. Mbase ata që protestojnë nuk e kanë idenë se kush është Drejtori i Policisë. Ministri dha dorëheqjen pas një përgjegjësie morale dhe ky është një akt i mjaftueshëm dhe nuk besoj se ka qënë një nga ato pasoja që do duhet të sillte vetë kjo protestë.  Protesta kërkon drejtësi dhe këtë do e jap drejtësia, është në dorë të saj çështja le ti lëmë kohë organeve.

Gazetarja: Gjithmonë thuhet t’ja lëmë në dorë organeve të drejtësisë aq më tepër kur mendojmë se ato janë të pavarura. Ju si Ministre e Drejtësisë znj.Gjonaj cfarë përgjigje do ti jepni familjes Rasha e cila në këto momente kërkon vetëm drejtësi dhe hetim të plotë të ngjarjes dhe jo vetëm familja Rasha por të gjithë Shqipëtarët pjesëmarrës ose jo në protestë. Ne kemi parë disa vrasje që janë kryer në kushtet e protestave kur shteti ka ndërhyrë me anë të policisë dhe nuk është bërë zbardhja në kohën e duhur dhe ende nuk ka të dënuar për ato ngjarje. Besoni se kjo ngjarje do japë vendimin e duhur në lidhje me atë cfarë ka ndodhur?

Etilda Gjonaj: Absolutisht si Ministri i Drejtësisë, sic do ministër i kabinetit qeveritar, si Kryeministri, sic do qytetar patjetër do themi do ja lëmë në dorë organeve të drejtësisë për të dhënë drejtësi. Unë dëgjova dje edhe deklaratën e babait të të ndjerit Klodianit dhe vërtetë Jam prekur nga fjalët e gjetura në një moment shumë të vështirë në një humbje shumë të thellë të një prindi. Dhe të gjithë duhet të kuptojmë se të gjithë këto që po shikojmë, të gjithë këto ngjarje disa ditore nuk i shërbejnë zbardhjes së ngjarjes, nuk i shërbejnë drejtësisë për Klodianin. Drejtësia për Klodianin jepet nga organet e drejtësisë dhe besoj se i kanë të gjitha mundësitë si prokuroria si gjykata të hetojnë cështjen dhe të nxjerrin përgjegjësitë penale për efektivin.

Gazetarja: Qëndrimin e ndërkombëtarëve. Ka patur disa reagime nga selitë diplomatike në vendin tonë për mënyrën si po organizohen protestat. Sigurisht dënojnë aktet e dhunës, por gjithashtu kërkojnë edhe vetëpërmbajtje për forcat e policisë për mënyrën sesi ata duhet të reagojnë. Keni patur kontakte gjatë këtyre ditëve? Keni folur për prezencën e të miturve në këto protesta aq më tepër kur thoni që përdoren nga opozita?

Etilda Gjonaj: Deklaratat e faktorit ndërkombëtar, ambasadorëve i kanë dhënë qartësisht se protestat janë mekanizëm i rëndësishëm për demokracinë por kur kthehen të dhunshme janë të paligjshme. Ato i janë drejtuar partive politike të distancohen nga dhuna në protesta. Policia do të kryejë punën e tyre. Do të duhet të menaxhojnë situatën që këto protesta të zbehen. Kemi rolin si shoqëri tu bëjmë thirrje prindërve të të miturve që të kontrollojnë fëmijët e tyre që po përdoren politikisht.Të gjithë duhet të kemi mundësinë tu bëjmë thirrje organizatorëve që të shmangin aktet e dhunës. Ne kemi parë eksponentë të partive politike që kanë qenë pjesë e këtyre protestave. Prokuroria duhet të hetojë se kush qëndron pas protestave të të miturve. Ata nuk e kanë idenë as se çfarë po kryejnë. Pamjet me figurë e zë dëshmojnë se kanë qenë aktorë politikë të PD-së dhe LSI-së. Nuk besoj që dikush mendon se Voltana Ademi nuk ishte në protestë kur e kemi me zë e figurë. Nuk pres që kryebashkiakja të marrë gurë të godasë në protestë. Mund të kenë një qëllim fillestar siç është rasti konkret por më pas nuk i shërbejnë fare as kauzës për drejtësi pëe Klodianin dhe as asaj çfarë të gjithë aspirojmë që është integrimi në BE.

Gazetarja: Në gjykimin tuaj si do vijojë kjo situatë sepse sot është thirrur një tjetër protestë në orë 18 nga ana e atyre që e organizojnë. Do të ketë sërisht mbledhje, tensione, perplasje me efektivët e policisë. Vazhdimësinë e kësaj proteste si e shikoni. Ku duhet ndërhyrë që ajo të marri fund të pakten me aktet e dhunës?

Etilda Gjonaj:  Unë besoj se institucionet ligjzbatuese. Policia duke marrë në dorë situatën e protestave. Prokuroria në hetimin e të gjithë atyre që kanë qënë të përfshirë apo kanë nxitur protestat e dhunshme apo aktet e dhunshme që janë kryer në qytetet e ndryshme, do të kryejnë punën e tyre por nga ana tjetër policia do duhet të menaxhojë të gjithë situatën me qëllim që këto lloj protestash të shmangen dhe të zbehen, por besoj se na përket të gjithëve dhe të kemi të gjithë rolin si shoqëri ti bëjmë thirrje jo vetëm prindërve të këtyre të miturve që po i keqpërdorin pjesa tjetër apo eksponentë politikë. Dhe duke e parë si një rast që për herë të parë i kalon tërësisht imagjinatës njerëzore sesi të miturit mund të përdoren në protesta të tilla dhe akte të tilla të dhunshme. Do duhet që të gjithë njëkohesisht ti bëjmë thirrje edhe aktorëve dhe atyre që janë organizatorë me qëllim që mund ti shmangim këto lloj akte dhune të cilat në fund të fundit nuk i shërbejnë aspak as qetësisë së qyteteve dhe as qetësisë së qytetarëve.

Gazetarja: Ju thoni që është PD dhe LSI që po i nxisin këto protesta por  nuk kemi parë as Monika Kryemadhin as Lulzim Bashën të kenë ndonjë qëndrim të mirëfilltë, qoftë për të dënuar aktet e dhunës qoftë për të bërë thirrje për pjesëmarrje në protesta.

Etilda Gjonaj: Ne kemi parë eksponentë të partive përkatëse të partive politike të cilët kanë qënë pjesë e drejtpërdrejtë apo në marshime apo në protestat që janë kryer. Dhe padyshim do duhet tani organi i prokurorisë që të hetojë kush është pas këtyre të miturve, sepse nuk mundet që një grup fëmijësh në një moment të caktuar të mblidhen në qendër dhe të kryejnë këto akte dhune. Kur i shikojmë dhe dallojnë që janë akoma fëmijë të vegjël dhe njëkohësisht mendoj që nuk e kanë idenë se çfarë po kryejnë dhe është shumë e vështirë të themi që nuk janë te organizuar. Dhe për më tepër që pamjet me figurë dhe me zë kanë treguar se kanë qënë eksponentë të dy partive politike.

Gazetarja: Pra po thoni që ka fakte dhe aspak nuk po aludohet politikisht në këtë drejtim.

Etilda Gjonaj: Ne flasim cfarë shikojmë mediatikisht. Ashtu siç i kam parë unë i keni parë ju, i kanë parë të ghithë qytetarët. Dhe nuk besoj që dikush mund të thojë që Voltana Ademi nuk ishte në protestën në shkodër përsa kohë ishte edhe me figurë dhe me zë pjesë e kësaj proteste duke e udhëhequr madje. Unë nuk pres që një Kryetar Bashkie të marri një gurë në dorë dhe të gjuajë dhe të thyejë xhamat e një selie të një partie politike siç është në rastin konkret. Por besoj që gjithë ky lloj frymëzimi i kësaj turme e cila është tërësisht ndryshe nga herët e tjera, nuk vjen nga eksponentë politikë.

Gazetarja: Në edicionet tona informative i kemi njohur teleshikuesit me një imazh tjetër të kësah proteste. Në Durrës protestuesit atje i kanë befasuar policët edhe pse pati trazira në 3 ditet e para janë grumbulluar para rajonit të policisë dhe i kanë takuar, i kanë dhënë dorën dhe i kanë përqafuar policët. Si e vlerësoni këtë akt?

Etilda Gjonaj: Protestat në çdo rast, dhe uën e besoj fort  si një person qe kam punuar gjatë për të drejtat e njeriut, tashmë me këtë pozicion kam akoma detyrim për të plotësuar standartet ndërkombëtare, por protestat janë një mekanizëm i demokracisë por kur këto janë të paqta, me kërkesa, me argumenta. Në shumë raste kur kemi pasur protesta, qeveria ka reflektuar, dhe ka marre masa për realizimin e kërkesave siç është rasti i studentëve. Kishte një anë humane nga protesta në Durrës. Por shpresoj që kjo situatë që ka qënë në këto 4 ditë të mos shqetësojë më banorët e qyteteve, sidomos të kryeqytetit. Ka familje që kanë humbur të afërm në kohën e tërmetit apo gjatë pandemisë dhe  njerëzit duan pak qetësi dhe solidaritet në këto momente. Fëmijët tanë kanë kaluar një vit shumë të vështirë dhe do duhet patjetër të kenë qetësi dhe të mos shohin këto akte në televizione.

Gazetarja: Zonja Gjonaj ju jeni pjesë e qeverisë dhe ndërsa dihet tashmë që Ministri Lleshaj do vijojë të jetë në detyrë deri në çdekretim nga Presidenti. A është diskutuar apo mund te keni dëgjuar për emrin që do ta zëvëndësojë Ministrin Lleshaj. Dhe a lakohet emri i ndonjë gruaje

Etilda Gjonaj: Mendoj që zgjedhja e ministrit të ri është një përgjegjësi i kryeministrit. Do të jetë ai që në momentin që do ketë të gatshëm kandidatin apo kandidaten për ministër të brëndshëm, dhe besoj se do jetë i gatshëm në ditët në vijim.

Gazetarja: faleminderit për këtë bisedë znj.Gjonaj ishte një kënaqësi.

Etilda Gjonaj: Faleminderit juve.